Vulin: S’duhet të anëtarësohemi në BE nëse na kërkohet njohja e Kosovës, duhet të forcohemi ushtarakisht

Zëvendëskryeministri i Serbisë Aleksandar Vulin ka kërkuar që rruga e Serbisë drejt integrimit në Bashkimin Europian “duhet të ndryshojë” nëse për këtë kërkohet njohja e Kosovës.

“Nëse përballemi gjatë rrugës me njohjen e të ashtuquajturës Kosovë, obligimin për të pranuar martesat e gjinisë së njëjtë apo përfshirjen në konfliktin me Rusinë dhe Kinën, ne nuk duhet të shkojmë në atë rrugë”, tha ai për “Vecernje Novosti”.

Vulin tha se Serbia duhet të “forcohet”, ndërsa e quajti “pragmatik” vendimin e Serbisë për të blerë aeroplanë “Rafale” nga Franca.

Ai tha se gjatë vizitës së tij të fundit në Rusi nuk është pyetur nga Vladimir Putin në lidhje me avionët francezë