Vuçiqi në mitingun e 100-vjetorit të Partisë Komuniste të Kinës: Politika juaj ka rol të madh për Serbinë

Presidenti i Serbisë, Aleksandar Vuçiq ka marrë pjesë virtualisht në një samit që shënoi 1000vjetorin e Partisë Komuniste të Kinës.

“Në Serbi, ju gjithmonë do ta keni një mik dhe bashkëluftëtar të sinqertë”, tha Vuçiq.

Ai shtoi se politika e Kinës ka rol të madh për Serbinë.

“Politika e Kinës për Serbinë ka rol të madh, mbështetja e Kinës do të thotë shumë për Serbinë”, tha presidenti serb.

“Falë punës së palodhur të popullit kinez, Kina është bërë forcë. Më lejoni t’ju përgëzoj në emër të popullit të Serbisë për formimin e një shoqërie të fortë dhe të moderuar. Ju dalloheni nga jashtëzakonshmëria, mençuria, guximi”, tha Vuçiq .