Vuanin nga probleme psikike, zhduket një person nga Istogu e tjetri nga Prizreni

Ditëve të fundit, në dy raste në Kosovë janë zhdukur nga shtëpitë e tyre persona të cilët kanë probleme psikike.

Në Prizren, vëllau e ka raportuar vëllaun e zhdukur që sipas tij, ka dalë nga shtëpia më 9 janar dhe nuk dihet asgjë për të.

“Ankuesi mashkull  kosovar ka raportuar se vëllai i tij, mashkull  kosovar, i cili kohëve te fundit ka probleme mendore ka dalë nga shtëpia qe nga data 09.01.2024 dhe nuk dihet për vendodhjen e tij”, thuhet në njoftim.

Në rastin tjetër, qytetari nga Baica e Istogut i ka thënë të mërkurën policisë së vëllai i tij, i cili po ashtu ka probleme psikike, është larguar nga shtëpia dhe nuk është kthyer më.

“Ankuesi mashkull  kosovar ka informuar se vëllai i tij mashkull  kosovar (me probleme psikike) është larguar nga shtëpia dhe nuk është kthyer më. Rasti është duke u hetuar”, thuhet në njoftimin e PK-së.