Vritet një ari në Brezovicë, Policia jep detaje

Sot në orët e hershme të mëngjesit, është vrarë një ari në Brezovicë, nga persona të panjohur.

Rastin për Gazetën Demos e ka konfirmuar zëdhënësi i Policisë për Rajonin e Ferizajt, Kanun Veseli.

Sipas Veselit, me vendim të prokurorit, rasti është cilësuar “Gjueti e paligjshme”.

“Sot, rreth orës 07:50 policia e stacinit në Shtërpcë ka pranuar një informacion se në Brezovicë, rruga që qonë tek qendra e skijimit, dyshohet se persona të panjohur kanë vrarë një kafshë të egër (ari). Policia e rendit e më pas policët hetues i kanë marrë të  masat e nevojshme  kanë dalë në vendin e ngjarjes dhe po e hetojnë rastin. Ndërsa me vendim të prokurorit kujdestar nga Prokuroria Themelore në Ferizaj, rasti është cilësuar ” Gjueti e paligshme”. Ndërsa janë njoftuar edhe zyrtarët e Parkut Kombëtar “Sharri”, tha Veseli për Demos.