Vihet gurthemeli për ndërtimin e dy klinikave të reja, Vitia: Po krijohen hapësira dhe standarde moderne për pacientët

Ministri i Shëndetësisë Arben Vitia dhe Drejtori i ShSKUK-së, Elvir Azizi kanë vendosur gurthemelin për ndërtimin e Klinikës së Hematonkologjisë dhe Klinikës së Nefrologjisë.

Ministri Vitia ka thënë se ky projekt i cili kap vlerën prej 4,299,23.31 euro, do të krijojë  hapësira dhe standarde moderne për pacientët. Ndërsa ka thënë se në klinikat e reja do të ofrohen sherbime të cilat nuk janë ofruar më parë, e për të cilat pacientët kanë kërkuar trajtim jashtë vendit.

“Ky projekt në vlerë prej 4,299,23.31 Euro, do të krijoj hapësira dhe standarde moderne për pacientët. Sipërfaqe prej 3760 m², me këtë investim sigurojmë më shumë cilësi e më shumë shërbime. Së shpejti për herë të parë do të jipet shërbimi i Plazmafererzes dhe po angazhohemi që të ofrohet edhe biopsia e veshkës.  Në Klinikën e re do të bëhet transplantimi autolog i palcës kockore tek leukemitë akute gjë që nuk është bërë deri më tani për shkak të kushteve dhe pacientët janë derguar jashtë vendit për trajtim dhe transplant të palcës kockore. Kemi nisur nga aty ku ka nevojë më së shumti, po vazhdon transformimi klinikë për klinikë”, ka shkruar Vitia në Facebook.