Vidhen katër ditarë në një shkollë në Pejë, gjatë natës dikush hyri nga dritarja dhe i mori

Një person ka thyer dritaren e një klase në fshatin Jabllanicë e Vogël në Pejë dhe ka hyrë aty e ka vjedhur katër ditarë.

Policia ka nisur hetim, por nuk ka njoftuar se ka mundur ta identifikojë të dyshuarin.

Sipas Policisë, veprimet e tij janë kapur nga kamerat e sigurisë.

“Ankuesi mashkull kosovar, drejtori i shkollës, ka njoftuar se gjate natës një person i panjohur i maskuar ka thyer dritaren e një klase dhe përmes dritares së thyer ka hyrë në brendi të shkollës ku kishte dëmtuar derën e sallës se arsimtareve dhe prej aty kishte vjedhur katër ditarë dhe ishte larguar nga ai lokacion. Veprimet e të dyshuarit janë kapur nga kamerat e sigurisë së shkollës. Rasti po hetohet nga policia”, thuhet në raportin e PK-së.