Videoja po shpërndahet me të madhe, Egli pranon se po merr antidepresantë brenda shtëpisë: Po e pi shumë shpesh

Në rrjetet sociale po qarkullon një video e Eglit, një nga banoret e “Big Brother Vip”, e cila po shkakton reagime të shumta dhe diskutime në lidhje me shëndetin mendor.

Gjatë një bisede të natës me disa prej banorëve në dhomën e gjumit, ajo ndau një moment të ndjeshëm, duke treguar se ka rifilluar përdorimin e antidepresantëve.

“Kur kam ardhur në fillim e kam lënë tabletën e sedoksilit, mjekimeve që kam përdorur për ankthin, për mendjen, dhe i kam lënë këtu vetëm për ndonjë rast. Nuk e dija kurrë sepse po provoja një gjë të tillë që s’e kisha provuar dhe kisha shumë frikë emocionalisht. Nuk e kam pirë këtu një herë, tani po e pi shumë shpesh sepse nuk po ndjehem mirë”, tha Egli, duke shpjeguar situatën e mërzisë që kishte përjetuar, sidomos pas ngjarjeve me Gjestin.

Kjo deklaratë e saj, e cila thekson një aspekt të rëndësishëm të shëndetit mendor, erdhi në një moment të vështirë për të. E indinjuar nga situata me Gjestin, ajo kishte zgjedhur të ikte dhe të flinte e vetme në sauna, një hapësirë që e përshkroi si vendin e vetëm ku mund të qetësohej dhe të mos dëgjonte zhurmën e ambientit rreth saj.

She needs to leave the house immediately! I have said this before and I will say it again, her mental state is not good. #bbvipal4 pic.twitter.com/u0N7SfcL1J

— alex (@alexntwt) February 25, 2025