Video nga përleshja e babait të Federico Chiesas me trajnerin e tanishëm të Anglisë Gareth Southgate
Italia i ka fituar 11 prej 27 ndeshjeve kundër Anglisë dhe, gjatë njërit prej takimeve të tyre në të kaluarën, babai i Federico Chiesas, Enrico, ishte përleshur me Gareth Southgate, trajnerin i tanishëm të tre luanëve.
Anglia i ka fituar tetë ndeshje kundër të kaltërve, me tetë takime të tjera mes tyre që kanë përfunduar me barazim, raporton Gazeta Express.
Hera e fundit kundër Anglia dhe Italia u takuan ishte në një ndeshje miqësore para Kupës së Botës 2018 në Wembley. Ai takim u mbyll baras 1:1 dhe Italia nuk ishte kualifikuar fare për Botëror.
Një barazim tjetër mes të kaltërve dhe tre luanëve ndodhi më 11 tetor 1997, një ndeshje kualifikuese për Kupën e Botës 1998.
Gareth Southgate ishte titullar për Anglinë atë botë, ndërsa babai i Federico Chiesas, Enrico, ishte futur në lojë në pjesën e dytë në vend të Filippo Inzaghit.
Chiesa, sulmues i Parmës atë botë, ishte përleshur me tani trajnerin e Anglisë, pasi Southgate e kishte bërë një ndërhyrje të ashpër dhe të pakujdesshme ndaj tij.
Ai e kishte shtyrë Southgatein me duar dhe të dy ishin ndëshkuar me kartonë të verdhë.
Djali i Chiesas, Federico, i cili ishte lindur pak javë pas asaj ndeshjeje, pritet të jetë njëri prej kërcënimeve kryesore ndaj Anglisë së Southgate të dielën në finale të Kampionatit Evropian 2020.
Federico Chiesa i ka shënuar dy gola në gjashtë paraqitje në Euro 2020.
Entriamo subito in clima #InghilterraItalia con questa gustosa legnata dell’attuale ct dell’Inghilterra al papà di Federico #Chiesa, da Italia-Inghilterra 0-0 dell’11 ottobre 1997. pic.twitter.com/p5tXxzkKP1
— Giuseppe Pastore (@gippu1) July 7, 2021