Video e paparë deri më tash nga kaosi në Kabul – afganët shtypen për vdekje në aeroport!

Kaos i madh është parë të shtunën në qendrën e evakuimit jashtë aeroportit të Kabulit në Afganistan, me transmetuesin britanik “Sky News” që ka publikuar pamje të ushtarëve që mbulonin trupat e njerëzve të cilët ishin shtypur në përpjekjet për të ikur nga vendi.

Turmat janë shtuar shumë përreth mureve të aeroportit me ushtarët që kishin problem të mbanin rendin, me mijëra qytetarë që po shkojnë në aeroport çdo ditë në përpjekje për të ikur.

Ushtarët u kanë ndihmuar të lënduarve nga shtypja dhe kanë mbuluar trupat e atyre që kishin vdekur si pasojë e lëndimeve.

Për të parandaluar vdekje e lëndime të mëtejme, ushtarët u tërhoqën prapa nga turmat e njerëzve dhe përdorën një zorrë për t’i freskuar.

Teksa evakuimet po vazhdojnë, disa fluturime s’kanë qenë plot për shkak të kaosit në aeroport e kontrolleve të talebanëve.

Rënia e Kabulit shënoi kapitullin e fundit të luftës më të gjatë të Amerikës, që nisi pas sulmeve terroriste të 11 shtatorit 2001.

Kujdes, pamjet janë të rënda!

Reklama