Vetëm në muajin shtator, policia në rajonin e Ferizajt shqiptoi mbi 6500 gjoba, konfiskoi 61 patentët shoferë

Policia në Ferizaj vetëm përgjatë muajit shtator ka shqiptuar 6568 gjoba për kundërvajtje.

Në komunikatë thuhet se gjithashtu ka hequr edhe 61 patentë shoferë ndaj atyre që kanë shkaktuar kundërvajtje më të rënda në komunikacion.

Numri i gjobave të shqiptuara gjatë muajit shtator-2024

Gjatë muajit shtator/2024 policia rajonale e Ferizajt ka shqiptuar 6568 gjoba për kundërvajtje, ndërsa ka hequr edhe 61 patentë shoferë për drejtuesit që kanë shkaktuar kundërvajtje më të rënda në komunikacion, ku parashihet masa mbrojtëse heqje e patentë shoferit.

Kurse gjatë muajit shtator/2023 kanë qenë të shqiptuara 6095 gjoba për kundërvajtje, apo një rritje për 7.80 % më shumë në këtë vit.

Disa nga kundërvajtjet e shkaktuara në komunikacionin rrugor gjatë muajit shtator 2024:

– Tejkalim i shpejtësisë, 2455 gjoba
– Parking i parregullt , 856 gjoba
– Mos respektimi i shenjave të komunikacionit, 758 gjoba
– Skadimi i afatit të regjistrimit të automjetit, 134 gjoba
– Mos mbajtja e distancës në mes të automjeteve, 129 gjoba
– Drejtimi i automjetit pa patentë shofer, 100 gjoba
– Mos përdorimi i rripit të sigurisë, 95 gjoba
– Tejkalim në vijë të plotë, apo vend të ndaluar, 34 gjoba
– Drejtimi i automjetit nën ndikimin e alkoolit, 5 gjoba,
– Të tjera, 2002 gjoba