Vëllai i Mirsad Ndrecajt: Ali Ahmeti duhej të jepte dorëheqje pasi u vranë djemtë e Kumanovës

Më 9 maj bëhen 8 vjet nga rasti “Kumanova”, ku mbetën të vrarë 10 shqiptarë dhe 8 policë maqedonas, mes tyre edhe ish-pjesëtarët e UÇK-së, Beg Rizaj e Mirsad Ndrecaj, shkruan GazetaDemos.

Me rastin e përvjetorit të kësaj ngjarjeje, i ftuar në këtë episod të emisionit n’Demos ka qenë vëllai i Mirsad Ndrecajt, Ylber Ndrecaj i cili ka shpalosur detaje ekskluzive për djemtë e Kumanovës.

Gjatë rrëfimit të tij, Ndrecaj ka folur edhe për liderin e BDI-së, Ali Ahmetin, për të cilin tha se ka faj në rastin e Kumanovës.

“Për Ali Ahmetin mendimin e kam cekë edhe në një intervistë, nuk muj me i thonë as tradhtar po as kurgjo tjetër. Por, unë Alinë e lo fajtor pse, dmth mbasi janë vra djemtë, s’pat çka me bo, e dijmë që u konë në pushtet aty, por kur është kry lufta a ka mujt të paktën me dhonë një dorëheqje me thonë unë nuk rri më në këtë koalicion me maqedonë derisa mi vranë shokët, ata kanë qenë shokët e tij, ata kanë dhonë kontribut për to”, potencoi ai në emision n’Demos.

Mes tjerash, vëllai i Mirsad Ndrecajt tha se disa politikanë kosovarë lobuan që djemtë e Kumanovës të mos lirohen nga burgu.

Rrëfimin e tij të plotë mund ta ndiqni këtu: