Vela publikon një dokument që dëshmon për planet e Beogradit për zgjedhjet në Veri

Blerim Vela, shef i kabinetit të presidentes së Kosovës, Vjosa Osmani, ka publikuar një dokument ku Qeveria e Serbisë propagandon për zgjedhjet lokale në Veri të Kosovës.

Për këtë Vela ka shkruar në Twitter se kjo është një dëshmi e ndërhyrjes së Beogradit në zgjedhjet lokale në Veriun e Kosovës që mbahen më 23 prill.

”Kjo është një dëshmi prima facie e përpjekjes së Serbisë për të ndërhyrë në zgjedhjet lokale në veri të Kosovës. Një ndërhyrje e tillë e huaj në zgjedhje synon të prishë të gjithë procesin zgjedhor dhe të frikësojë serbët vendas që të mos ushtrojnë të drejtën e tyre demokratike për të zgjedhur përfaqësuesit e tyre”, ka shkruar Vela.

Dokumenti i publikuar paraqet një kërkesë të Beogradit për misionet e huaja ku përmendet rezoluta 12/44. Sipas Serbisë serbët e Kosovës po rrezikohen dhe iu nevojitet mbrojtje.

Zgjedhjet në Veri ishin paraparë të mbahen dhjetorin e vitit të kaluar, por ishin shtyrë për shkak të gjendjes së tensionuar në atë pjesë të Kosovës.

This is a prima facie evidence of Serbia’s attempt to interfere with local elections in north Kosovo.

Such foreign election interference aims to disrupt the whole election process and intimidate local Serbs from exercising their democratic right to elect their representatives. pic.twitter.com/qPfI9x7SpW

— Blerim Vela (@Blerim_Vela) April 17, 2023