Vdes zyrtari i Shërbimit Korrektues të Kosovës

Ka vdekur zyrtari i Shërbimit Korrektues të Kosovës, Heset Loku, shkruan GazetaDemos.

Lajmin për vdekjen e tij e kanë dhënë nga SHKK, të cilët e kanë kujtuar Lokun si një punëtor me përkushtim të lartë në punë.

“Përkushtimi në punë, në secilën detyrë që i është besuar dhe dashuria për profesionin, bëjnë që z. Loku të mbetet në kujtesën e gjeneratave të tëra të SHKK-së, të miqve dhe kolegëve”, thuhet në njoftimin e tyre.

Njoftimi i plotë:

E nderuar familja, Loku
Me pikëllim të thellë morëm lajmin për ndarjen nga jeta të më të dashurit tuaj, e bashkëpunëtorit tonë, z. Heset Loku.
Z. Loku dha një kontribut të madh në Shërbimin Korrektues të Kosovës, prandaj humbja e tij është humbje e madhe edhe për SHKK-në.
Përkushtimi në punë, në secilën detyrë që i është besuar dhe dashuria për profesionin, bëjnë që z. Loku të mbetet në kujtesën e gjeneratave të tëra të SHKK-së, të miqve dhe kolegëve.
Ju lutem që në emër të Shërbimit Korrektues të Kosovës dhe në emër timin, t’i pranoni ngushëllimet më të sinqerta.
Me respekt,
Sami GASHI,
Zëvendsues i Drejtorit të Përgjithshëm të Shërbimit Korrektues të Kosovës