Vdes mësuesja nga Hani i Elezit, ish-nxënësit i bëjnë dedikimin prekës: Ndriço atje lart me yje

Ka vdekur mësuesja nga Hani i Elezit, Synavere Bushi – Pollomi, shkruan GazetaDemos.

Lajmin e kanë bërë të ditur stafi i shkollës “SHFMU ‘Ilaz Thaçi” Hani i Elezit”, ku ajo kishte qenë mësimdhënëse.

“Në moshën 50 vjeçare paska ikur për amshim ish mësimdhënësja e shkollës sonë Synavere Bushi, e cila një kohë të gjatë punoi me përkushtim, duke dhënë një kontribut të çmuar në arsim”, shkruhet në njoftim.

Ndërkaq, një reagim prekës ka bërë edhe njëra nga ish-nxënësit e saj, Qendresa Loki.

“Kujdestarja Synavere Bushi – Pollomi, ishte dhe do të mbetet gjithmonë shtyllë e dijes dhe arritjeve tona në profesionet dhe rrugët e jetës. Falemderit kujdestare, ndriço atje lart me yje”, ka shkruar ajo.