Vdes Bedrije Salihaj, luftëtare e UÇK-së e njëherit motra e heroit Skender Salihaj

Të shtunën ka vdekur luftëtarja e Ushtrisë Çlirimtare të Kosovës, Bedrije Zeqir Salihaj.

Bedrije Salihaj ishte edhe motra e heroit Skender Salihaj si dhe motra e kryetarit të OVL së UÇK-së në Shtime.

Lajmi për vdekjen e saj u dha edhe nga kjo degë e veteranëve.

Njoftimi i plotë nga Organizata:

Telegram Ngushëllimi!

Të tronditur thellë sot morëm lajmin për ikjen në amshim të bashkëluftëtares sonë Bedrije Zeqir Salihaj, motra e Heroit Skender Salihaj dhe motra e kryetares së OVL të UÇK dega Shtime.

Në emër të Organizatës së Veteranëve të Luftës së UÇK-së, Shoqatës së Familjeve të Dëshmorëve të Luftës së UÇK-së dega Shtime, dhe Shoqatës së Invalidëve të Luftës së UÇK-së dega Shtime i shprehim ngushëllimet më të thella kryetares së OVL-Shtime znj. Demrije Salihaj dhe të gjithë familjes së gjerë e bashkëluftëtarëve dhe banorëve të fshatit Mollopolc!

Luftëtare e lirisë i lehtë të çoftë dheu i tokës amë!

Lavdi veprës e jetës për veteranen e luftës Bedrije Zeqir Salihaj!

Me respekt OVL e UÇK-së dega Shtime!