Vazhdon gjykimi ndaj Pjetër Shalës në Hagë

Edhe sot vazhdon procesi gjyqësor ndaj Pjetër Shalës në Dhomat e Specializuara në Hagë, shkruan Gazeta Demos.

Dje në gjykatë ka dhënë dëshminë e tij si dëshmitarë i mbrojtjes Mark Shala, i cili gjatë dëshmisë tij disa herë ka pohuar së Pjetër Shalën, e ka takuar vetëm dy herë.

Një herë në prill-majin e 99-ës kur po bëheshin përgatitjet për të filluar “Opercioni Shigjeta” dhe në fund të luftës kur ishin përshëndetur dhe Pjetër Shala i ishte kthyer familjes së tij në Belgjikë, gjë të cilën prokuroria po mundohej ta kontestonte, duke umunduar ta kundërshtoi këtë fakt.

Krimet e supozuara për të cilat akuzohet Shala, pretendohet se u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej UÇK-së. Sipas aktakuzës, viktimat e këtyre krimeve ishin të gjithë shtetas të RFJ-së dhe persona të cilët nuk merrnin pjesë aktivisht në luftime./GazetaDemos/