Vazhdojnë protestat e opozitës në Beograd

Kanë vazhduar edhe ditën e sotme protestat e opozitës në Beograd, të cilët janë duke protestuar kundër parregullsive zgjedhore.

Mediumi N1 raporton se protesta e tetë e koalicionit “Serbia kundër dhunës” kundër parregullsive zgjedhore po mbahet mbrëmjen e sotme para ndërtesës së Komisionit Republikan të Zgjedhjeve (KQZ).

Pas fjalimit të përfaqësuesit të opozitës, qytetarët janë nisur drejt Departamentit të Policisë për në qytetin e Beogradit, ku kanë arritur rreth orës 19:45.

Ndërsa gjatë ditës nga ora 11:00 deri në orën 18:00 kanë protestuar edhe studentët të cilët duke kërkuar hapjen e listës zgjedhore fillimisht kanë bllokuar rrugën Birçaninova pranë Ministrisë së Administratës Shtetërore dhe Vetëqeverisjes Lokale.

Studentët mbështetën koalicionin “Serbia kundër dhunës”, i cili bëri thirrje që ato protesta të plotësojnë kërkesën e tyre për anulimin e zgjedhjeve, për shkak të parregullsive të shumta. Pas protestave të tyre ata iu bashkuan tubimit para objektit të RIK-ut.