Vatikani njofton për një “përmirësim të lehtë” të gjendjes së Papa Françeskut

Vatikani thotë se Papa Françesku fjeti mirë gjatë natës së kaluar dhe po pushon të enjten, ndërsa vazhdon të jetë i shtruar në një spital të Romës për trajtimin e pneumonisë në të dy mushkëritë.

Të mërkurën vonë, Vatikani njoftoi për një “përmirësim të lehtë” të gjendjes së Papës 88-vjeçar. Vatikani nuk ka qartësuar nëse Papa vazhdon të konsiderohet në gjendje kritike. Selia e Shenjtë vuri në dukje se një problem me veshkat, për të cilin u njoftua disa ditë më parë, është tejkaluar.

Papa Françesku u shtrua në spitalin “Gemelli” më 14 shkurt. Qëndrimi i tij në spital është më i gjati që kur u bë Papë.

Ati i Shenjtë është i ekspozuar ndaj infeksioneve të mushkërive, pasi i është hequr një pjesë e mushkërive kur ishte i ri.

Që kur ai u sëmur, katolikët janë mbledhur në qytetin e Vatikanit, vendlindjen e tij në Argjentinë dhe vende të tjera të botës për të mbajtur vigjilje lutjesh.

Françesku u bë papë në vitin 2013 kur paraardhësi i tij, Papa Benedikti, dha dorëheqjen./VOA