Vatikani ka konfirmuar një ndalim që katolikët të bëhen “masonë”, një shoqëri e fshehtë shekullore që Kisha Katolike e ka parë prej kohësh me armiqësi dhe ka një anëtarësim global të vlerësuar deri në gjashtë milionë.
“Anëtarësimi aktiv në Masonerinë nga një pjesëtar i besimtarëve është i ndaluar, për shkak të papajtueshmërisë midis doktrinës katolike dhe masonerisë”, tha zyra doktrinale e Vatikanit në një letër të publikuar nga mediat e Vatikanit të mërkurën, raporton Reuters, transmeton Klankosova.tv.
Departamenti, i njohur si Dikasteri i Doktrinës së Besimit, lëshoi opinionin e tij, të datës 13 nëntor dhe të kundërnënshkruar nga Papa Françesku, në përgjigje të një peshkopi nga Filipinet i alarmuar nga numri në rritje i Frimasonëve në vendin e tij.
E njëjta zyrë tha javën e kaluar se personat transgjinorë mund të pagëzohen, të shërbejnë si kumbarë dhe të veprojnë si dëshmitarë në dasmat katolike.
Letra për Frimasonët citonte një deklaratë të vitit 1983, të nënshkruar nga Papa Benedikti XVI (16) i ndjerë, në atë kohë shefi i doktrinës së Vatikanit, ku thuhej se katolikët “në shoqatat masonike janë në një gjendje mëkati të rëndë dhe nuk mund të marrin Kungimin e Shenjtë”.