Vatan Istrefaj me videomesazh: Me përulësi dhe ballëhapur kërkoj besimin tuaj

Vatan Istrefaj nga Deçani ka vendosur të rikandidoj për LDK-në edhe për një mandat në Kuvendin Komunal, shkruan Demos.

“Me përulësi dhe ballëhapur kërkoj besimin tuaj, vullnet ky që do të kthehet në punë dhe përkushtim”, ka shkruar mes tjerash ai në videomesazhin në rrjetet sociale.

Mesazhi i plotë:

Ky është mesazhi im, dhe thirrja për ju.

I bindur plotësisht dhe i përgjegjshëm për peshën e përfaqësimit, kam vendosur të rikandidoj edhe për një mandat në Kuvendin Komunal.

Me përulësi dhe ballëhapur kërkoj besimin tuaj, vullnet ky që do të kthehet në punë dhe përkushtim.

Në këto katër vite, kam provuar të jem zëri juaj, as më pak e as më shumë, të them atë që ju e keni brengë, të mbroj atë që është e përbashkët, dhe të përfaqësoj atë që ju doni për familjet tuaja, dhe qytetin tonë, Deçanin.