“Unë çka flas në fushatë flas për me marrë vota”, Totaj tregon të vërtetën e kësaj deklarate

Kryetari i Komunës së Prizrenit, Shaqir Totaj ka reaguar në lidhje me një deklaratë e cila u raportua në media se është bërë nga ai.

Totaj në rrjetin social në Facebook ka shkruar se kjo deklaratë nuk është bërë nga ai, por nga një asambliste opozitare, njofton GazetaDemos.

“Deklarata e një asambelisteje nga opozita e bërë në seancën e Kuvendit Komunal javën që shkoi më është vënë si “citat i imi” autorial dhe si e tillë pa u konfirmuar është shpërndarë. Në fakt është pjesë e një deklarate e nxjerrur nga konteksti dhe e devijuar nga kuptimi origjinal”, ka shkruar ai.

“Unë mbetem i përkushtuar si Kryetar i Prizrenit, që bashkë me ekipin tim ta përmbushi programin për çka kam marrë besimin e qytetarëve edhe t’i plotësoj zotimet e mia të fushatës. Prizreni gradualisht po i’u kthehet punëve të mira”, ka shkruar tutje ai.