U raportua se po kërkohet nga Policia, Gjergj Dedaj lajmërohet nga qendra e Prishtinës

Dje u raportua se po kërkohet nga Policia e Kosovës, ish-ambasadori i Kosovës në Maqedoni të Veriut, Gjergj Dedaj, për shkak se nuk i kishte dorëzuar tabelat zyrtare diplomatike. Ai gjithashtu mbahet mend për refuzimin e dekretit të presidentes, Vjosa Osmani, për shkarkimin e tij, shkruan Gazeta Demos.

Pas raportimeve se i njejti kishte qenë në Shkup dhe pastaj kishte shkuar në Bruksel, sëfundmi Gjergj Dedaj është lajmëruar nga qendra e Prishtinës, pranë shtatorës së Skenderbeut me rastin e përkujtimit të rënies së tij, duke vendosur datën e realizimit të kësaj fotografie.

“Prishtine, 17 Janar 2022, Ne Sheshin Gjergj Kastrioti ne Prishtine, per te nderuar Atin e Kombit, strategun dhe gjeneralin e lirise, Gjergj Kastriotin, ne pervjetorin e kalimit ne amshim! Lavdi Hero!”, ka shkruar ai në postimin e tij në Facebook.

Ai gjatë natës së djeshme ishte deklaruar se pavarësishtë raportimeve se po kërkohej nga Policia, kjo gjë nuk ishte aspak e vërtet dhe shtoi se këto tabela janë private të makinës së tij, dhe se sipas tij Kosova nuk ka paguar as edhe një cent për to.

“Askush nuk më ka kerkuar t’i kthej tabelat e makinës sime private për të cilen Kosova nuk ka paguar asnjë cent. Këto tabela i ka dhënë MPJ e Maqedonisë së Veriut dhe atyre ua kthej. Deri më tani kam pasur regjistrim dhe duhet të shkoj në Shkup e ta shikoj procedurën. Këto janë lajme të cilat i lansojnë ata të cilët kanë bërë krim, padrejtësi dhe shkarkim të dhunshëm ndaj meje, për të mbuluar këto të bame të tyre jonjerëzore”, deklaron Dedaj. /GazetaDemos/