U raportua se Lavrovi pësoi sulm në zemër me të arritur në samitin e G20-ës, Rusia e mohon

Më herët, autoritetet indoneziane raportuan se ministri i Jashtëm i Rusisë, Sergei Lavrov, ka pësuar sulm në zemër me të arritur në Bali, mirëpo Rusia e mohoi këtë.

Lavrov thuhet se pësoi një problem shëndetësor pas mbërritjes së tij për samitin e G20 në Bali, thanë autoritetet indoneziane të hënën.

Tre zyrtarë të qeverisë dhe mjekësisë indoneziane i thanë AP-së se diplomati rus po trajtohej në ishullin turistik.

Asnjëri nuk pranoi të identifikohej pasi nuk ishin të autorizuar për të diskutuar çështjen publikisht.

Guvernatori i Balit i Wayan Koster tha se Lavrov më vonë u largua nga spitali në gjendje të mirë shëndetësore. Ishte një “kontroll” dhe ai u kthye “menjëherë”, shtoi Koster.

Zëdhënësja e Ministrisë së Jashtme tw Rusisw, Maria Zakharova, e ka mohuar raportin duke e cilësuar si “lartësi e falsifikimit”.

“Sergei Viktrovich Lavrov dhe unë po lexojmë lajmet dhe nuk u besojmë syve tanë”, tha Zakharova të hënën.

Lavrov është zyrtari më i lartë rus që merr pjesë në samitin e G-20, i cili fillon të martën.