U plagos gjatë grabitjes së armatosur në Veternik, kjo është gjendja shëndetësore e sigurimit

Që nga e hëna e kaluar 42 vjeçari Fahri Ademi i cili u plagos nga të shtënat me armë zjarri gjatë një grabitje të armatosur në Veternik, po vazhdon trajtimin në Klinikën Intensive të Qendrës Klinike Universitare të Kosovës (QKUK).

Por Ademi dhe më tej avzhdon të jetë në gjendje të rëndë.

Drejtori i Klinikës Intensive Shaqir Uka tha se Ademi dhe më tej vazhdon të jetë në gjendje të rëndë, përkundër trajtimit që po e merr tash e një javë në QKUK.

“Edhe gjendja e tij vazhdon të jetë akoma e rëndë”, ka thënë Uka.

Ndërkaq grabitësi Millosh Vukojeviq ka ndërruar jetë sonte në QKUK. Vukojeviq nuk ka arritur tu bëjë ballë plagëve të marra, përkunder trajtimit në QKUK.

Ndryshe të hënën e 17 marsit, ndodhi një grabitje e armatosur në afërsi të Qendres Tregtare “Albi Mall” në Veternik. Cak ishte automjeti i një kompanie të sigurimit, i cili barte para.

Dy persona mbetën të plagosur, nga shkëmbimi i zjarrit mes punëtorëve të sigurimit dhe grupit të grabitësve