Trump zgjedh Tulsi Gabbard për Drejtor të Inteligjencës Kombëtare

Presidenti i sapozgjedhur amerikan Donald Trump ka thënë të mërkurën se ai zgjodhi ish-kongresmenen demokrate, e kthyer në përkrahës të Trumpit, Tulsi Gabbard, si zgjedhjen e tij për të qenë drejtor i Inteligjencës Kombëtare(DNI).

Përzgjedhja e Gabbard me siguri do të nisë një luftë të madhe konfirmimi.

“Për më shumë se dy dekada, Tulsi ka luftuar për vendin tonë dhe liritë e të gjithë amerikanëve. Si një ish-kandidate për nominimin presidencial të demokratëve, ajo ka mbështetje të gjerë në të dyja partitë – Ajo tani është një republikane krenare!”, Trump tha në një deklaratë duke njoftuar zgjedhjen e Gabbard.

Gabbard, një veterane e Gardës Kombëtare të Ushtrisë, kandidoi pa sukses për president në vitin 2020 si demokrate, por tha se po largohej nga Partia Demokratike në vitin 2022.

Ajo bëri fushatë me Trump dhe shërbeu në ekipin e tij të tranzicionit.