Trump publikon pamjet e sulmit në ishullin Kharg

Postimi i fundit i presidentit amerikan në platformën Truth Social këtë mëngjes përmban një përmbledhje të sulmeve ajrore.

Ai e publikoi videon disa orë pas deklaratës se Amerika kishte sulmuar dhe “shkatërruar” objektivat ushtarake në qendrën kryesore të naftës së Iranit, Ishullin Kharg.

Trump postoi videon pa asnjë fjalë, por të paktën një nga klipet, që tregon një pistë dhe ndërtesa pranë saj që goditen, duket se përputhet me pamjet satelitore të pistës së Ishullit Kharg sipas Google.