Trump: Deportimi i njerëzve të lindur në SHBA mund të jetë ‘puna e radhës

Presidenti amerikan, Donald Trump, ka deklaruar se deportimi i individëve të lindur në SHBA mund të bëhet “puna e radhës”.

Trump, duke komentuar listën e krimeve të dhunshme, tha se disa kriminelë “nuk janë të rinj në vendin tonë, ata janë të vjetër për vendin tonë”.

“Shumë prej tyre kanë lindur në vendin tonë. Mendoj se duhet t’i nxjerrim menjëherë që këtej. Kjo do të jetë puna tjetër që do të punojmë së bashku”, tha Trump.

Kjo nuk është hera e parë që Trump e ka ngritur këtë ide, ndërkohë që administrata e tij ka bërë përpjekje gjithashtu për të hequr shtetësinë automatike për ata që lindin në SHBA.