Treni e godet një veturë në Fushë-Kosovë, Policia jep detaje

Mëngjesin e sotëm ka ndodhur një aksident në zonën industriale në Prishtinë. Një veturë është goditur nga treni në lëvizje.

Sipas Policisë së Kosovës, nuk ka të lënduar në njerëz përveç dëmeve materiale. Rasti është konfirmuar nga zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 08:00 kemi pranuar informatën për një aksident trafiku në zonën industriale në Prishtinë. Në këtë aksident ka qenë i përfshirë një tren dhe një automjet. Si pasojë e aksidentit janë shkaktuar vetëm dëme materiale”, ka thënë Ahmeti.