Tre të lënduar nga aksidenti në mes tre veturave pranë Gërmisë

Tri vetura raportohet se janë aksidentuar mes vete përfshirë dhe një auto-taksi afro Germisë.

Rastin e ka konfirmuar edhe zëdhënësja e policisë për rajonin e Prishtinës, Flora Ahmeti.

Ahmeti tha si pasojë e aksidentit, tre persona kanë pësuar lëndime trupore.  

“Sot rreth orës 09:00 kemi pranuar informatën se në rrugën “Nazim Gafurri” në  Prishtinë ka ndodhur një aksident trafiku. Në këtë aksident kanë qenë të përfshira tri automjete. Si pasojë e aksidentit lëndime  trupore kanë pësuar 3 persona si dhe janë shkaktuar dëme materiale. Me rastin po merret njësiti i trafikut”, deklaroi Ahmeti.