Tre të lënduar nga aksidenti në autostradë, Policia jep detaje

Policia e Kosovës ka dhënë detaje për aksidentin e rëndë që ndodhi në autostradën “Ibrahim Rugova”.

Zëdhënësi i Policisë së Kosovës, Bajram Krasniqi i ka thënë Gazetës Express se në këtë aksident kanë qenë të përfshira tri vetura, dhe si rrjedhojë tre persona kanë kërkuar ndihmë mjekësore.

“Në ora 14:45, policia është njoftuar për një aksident trafiku të ndodhur në autostradën në segmentin Veternik-Bresje. Në aksident janë përfshirë tri vetura dhe si pasojë e aksidentit tre persona kanë kërkuar ndihmë mjekësore. Njësitet policore relevante janë marrë me aksidentin”, ka thënë Krasniqi.