Tragjike: Traktori bie nga mali në rrugën drejt Kaçanikut, dyshohet se ka humbur jetën shoferi

Ka ndodhur një aksident i pazakontë sot në rrugën magjistrale në drejtim të Kaçanikut, afër varrezave të qytetit. Sipas Indeksonline, një traktor ka dalë nga terreni malor dhe ka përfunduar në rrugën magjistrale, duke shkaktuar një situatë të rëndë.

Si pasojë e aksidentit, dyshohet se ka humbur jetën shoferi i traktorit. Ekipet emergjente kanë dalë menjëherë në vendin e ngjarjes, ndërsa policia ka nisur hetimet për të sqaruar rrethanat e plota të aksidentit.

Deri në momentin e publikimit të këtij lajmi, nuk janë dhënë detaje shtesë mbi identitetin e viktimës.