Tragjike: Raportohet se babai ka vrarë vajzën e tij në Prizren

Një tragjedi raportohet të ketë ndodhur në komunën e Prizrenit.

Një person dyshohet se ka kryer një vrasje të rëndë brenda familjes, duke privuar nga jeta vajzën e tij.

Ngjarja e rëndë ka ndodhur më 06.05.2025, në një banesë në qytetin e Prizrenit.

Vajza ka ndërruar jetë në vend si pasojë e plagëve të marra. I dyshuari raportohet të jetë shtetas turk.

Në vendin e ngjarjes kanë dalë njësitë përkatëse policore, forenzika dhe prokurori i rastit, i cili ka urdhëruar nisjen e hetimeve për veprën penale “Vrasje e rëndë”.