Tragjedia në Jabllanicë: Trupat  e viktimave janë dërguar në morgun e Spitalit të Gjakovës 

Një ngjarje e rëndë ka tronditur sonte Gjakovën, ku tre fëmijë kanë humbur jetën në fshatin Jabllanicë, pas shembjes së një shtëpie të pabanuar.

U mësua se fëmijët janë të moshave 13 dhe 15-vjeçare, nga familjet Ramaj, Morina dhe Mehmetaj.

Vdekja e të miturve është konstatuar në vendin e ngjarjes. 

Ndërkaq, drejtori i Spitalit Rajonal të Gjakovës, Hilmi Shala, ka bërë të ditur se trupat e pajetë të viktimave janë dërguar në morgun e spitalit.

Të gjitha njësitë përkatëse kanë intervenuar dhe Policia po ndërmerr veprimet e nevojshme lidhur me rastin. /Sinjali/