Trafiku i armëve nga Kosova në Shqipëri, gjykata lë në burg 8 të arrestuarit

Gjykata e Tiranës ka caktuar masën e sigurimit arrest në burg për 8 të arrestuarit për shitblerje armësh, nga trafiku i armëve Kosovë-Shqipëri.

Trupa gjykuese ka pranuar kërkesën e prokurorise së tiranës për masat e sigurimit. Në burg do të qëndrojnë Emirel Tusha, Leandro Haxhiaj, Fabricio Berberi, Rikardo Hajdaraj, Visar Murati, Kevin Farruku, Geraldo Muraj, Adriano Shehu.

Para gjykatës asnjë nga të dyshuarit nuk ka folur. Ndërkohë që mbrojtja ka ngritur pretendime se është vepruar në kundërshtim me ligjin përsa i përket blerjeve të stimuluara, pasi sipas tyre policia po i shtyn njërëzit në veprime të kundraligjshme. Po ashtu avokatët kanë kërkuar prova dhe fakte për secili nga të dyshuarit, për veprimet konkrete që ata kanë kryer.

Gjithashtu ata kanë kërkuar edhe akt-ekspertizë të armëve nëse janë ose jo funksionale. Mbrojtja i ka kërkuar gjykatës që ta cilësojë të paligjshëm arrestimin. Ata i kanë kërkuar gjykatës që të mbahej edhe parasysh fakti që të dyshuarit nuk kanë precedent të meparshëm penal.

Ndërkohë, organi i akuzës ka vënë në dispozicion të gjykatës akt-ekspertimet e kryera për armët që janë kapur më herët kur është bërë ndalimi i Altin Pajazitit dhe Kadri Prushit, ku njëra nga armët rezulton jashtë funksionit.

Gjatë operacionit të zhvilluar nga ana e strukturave të rendit u sekuestruan 14 armë zjarri 12 pistoleta ku njëra prej tyre me silenciator, dhe 2 automatikë, 2077 fara cannabisi, krehra dhe municion luftarak, 3 automjete dhe 8 celularë.

Kujtojmë se nga ky operacion i zhvilluar më 30 maj, janë shpallur në kërkim dy persona të tjerë. Armët siguroheshin nga Kosova, e më pas silleshin në Shqipëri me qëllim shitjen e tyre, kryesisht në Tiranë, raporton Tv Klan