“Ti çdo kohë mbete brenda nesh – Isë”, Halimi vjen me poezi emocionuese për ish-ushtarin e UÇK-së

Ka ndërruar jetë ish-ushtari i UÇK-së njëherit edhe ish i burgosuri politik, Isë Bala.

E në nderë të tij, Bedri Halimi ka publikuar një poezi, e cila është dedikim për tashmë të ndjerin.

Poezia:

ISË BALA

(Ish i burgosuri politik dhe luftëtari i lirisë, që herët shkoi në amshim)

Ti çdo kohë ishe benda nesh

Para Lojës

Mes Lojës

E pas Lojës

Gjuetar në fushën e trazuar

Ngadhnjyes në çdo kohë Ishe armik i Kutisë së vogël

Dhe viktimë e kësaj Kutie Prore i shqetësove pronarët e Kutisë së vogël

Mik E u bëre mjeshtër i Brezit të Hekurt

Që rrota e fatit të mos shkoj mbrapsht

Qëndrimi yt Një këshillë e gjysëm

Për leximin e origjinës së dashurisë ndaj atdheut Përbindëshat e rrugës ikën nga ti

E u bëre legjendë e Qytetit të Madh Me emrin tënd i vure mbishkrimin Tokës, gurit, pyellit…

U bëre çelës i mirësisë në Shtëpinë e Vrojtimit Që nuk bën shaka me gjëra të padobishme

As me mendimin arrogant

As me hijen e egërsisë

As me butësinë e egërsisë

As me sytë e egërsirës së çalë

Edhe kur mundohen ta imitojnë Diellin

Ti çdo kohë mbete brenda nesh – Isë