Theret me thikë një 25-vjeçar në Mitrovicë të Veriut

Të dielën në mesnatë ka ndodhur një incident në Mitrovicën Veriore ku në rrethana akoma të panjohura një person është therur me thikë dhe për pasojë ka marrë lëndime të rënda. Viktima është një 25-vjeçar, i cili tashmë ndodhet në spitalin në veri.

Sinjalizuesi nga Veriu ka bërë me dije për Sinjalin se viktima është pranuar dje pasdite në këtë spital, ku si pasojë e plagëve të rënda që ka pësuar nga mjeti i mprehtë, i është nënshtruar operacionit.

Sipas informacioneve të para, Policia është njoftuar nga spitali, me ç’rast një njësi policore ka dalë në vendin e ngjarjes, por viktima nuk është deklaruar për shkak të gjendjes shëndetësore.

Teksa i njëjti po vazhdon tretmanin mjekësor, Policia ka nisur hetimet në koordinim me Prokurorinë, për të zbardhur rrethanat në të cilat ka ndodhur rasti, i cili është iniciuar si “Lëndim i rëndë trupor”.