The Guardian: Ish-këshilltari i Trump duket se bëri një gjest nazist në konferencën e konservatorëve

Ish-këshilltari i Donald Trump dhe ideologu i ekstremit të djathtë Steve Bannon bëri me dorë atë që dukej si një gjest nazist në fund të fjalimit të tij në Konferencën e Veprimit Politik Konservator (CPAC), të premten, më 21 shkurt.

Miliarderi dhe ndihmësi kryesor i Trump, Elon Musk, bëri një gjest të ngjashëm në ceremoninë e inaugurimit të SHBA-së një muaj më parë.

CPAC vjetore në Uashington bashkon shumë nga figurat më konservatore të së djathtës dhe të djathtës ekstreme në botë.

Këshilltari amerikan për sigurinë kombëtare, Mike Waltz, pritet të flasë sot në konferencën e Uashingtonit, me presidentin Donald Trump në radhë për të shtunën, shkruan The Guardian.

Jordan Bardella i Francës, presidenti i ekstremit të djathtë Rassemblement National, anuloi paraqitjen e tij në konferencë të premten duke përmendur një “gjest që aludonte në ideologjinë naziste”.