Tërmet me magnitudë 5.9 godet Tajvanin

Një tërmet me magnitudë 5.9 ballë të shkallës Rihter goditi sot zonën detare në bregun lindor të rajonit kinez të Tajvanit, njoftoi Administrata Meteorologjike e Tajvanit.

Sipas agjencisë Reuters, tërmeti tronditi për pak kohë ndërtesat në kryeqytetin e Tajvanit, Taipei.

Epiqendra e tërmetit ishte rreth 30 kilometra larg bregdetit, në një thellësi prej 6.6 kilometrash, dhe se për momentin nuk ka informacione për lëndime ose dëme të mundshme.

Tajvani ndodhet pranë kryqëzimit të dy pllakave tektonike, prandaj tërmetet janë të shpeshta në këtë ishull.

Më shumë se 100 persona humbën jetën në një tërmet në Tajvanin jugor në vitin 2016, ndërsa më shumë se 2,000 njerëz vdiqën në një tërmet me magnitudë 7.3 të shkallës Rihter në vitin 1999.