Teleskopi hapësinor i NASA’s zbulon pamjen “e mahnitshme” të Jupiterit

Teleskopi hapësinor më i madh në botë ka zbuluar një pamje të jashtëzakonshme të Jupiterit.

Me stuhitë gjigante, erërat e fuqishme, aurorat, kushtet ekstreme të temperaturës dhe presionit dhe galaktikat e largëta janë të gjitha të shfaqura në imazhet më të fundit të Jupiterit nga teleskopi hapësinor James Webb i NASA-s, raporton “The Guardian”,

Imazhet e  publikuara këtë muaj tregojnë aurorat, stuhitë gjigante, hënat dhe unazat që rrethojnë Jupiterin në detaje që astronomët i kanë përshkruar si “të pabesueshme”.

Një fotografi me rezolucion të gjërë është veçanërisht dramatike, duke treguar unazat e zbehta rreth planetit, si dhe dy hëna të vogla kundër një sfondi vezullues galaktikash.

E famshmja “Njolla e Madhe e Kuqe e Jupiterit”, një stuhi mjaft e madhe aq sa për të gëlltitur Tokën, spikat me shkëlqim krahas stuhive të panumërta më të vogla.

“Nuk e kemi parë kurrë Jupiterin si ky. Është e gjitha krejt e pabesueshme”, tha në një deklaratë astronomja planetare Imke de Pater, nga Universiteti i Kalifornisë, Berkeley. Ajo ndihmoi në udhëheqjen e studimit.

Teleskopi është i pozicionuar 1m milje (1.6m km) nga Toka.