“Telenovela” Ronaldo: Sqaron gjithçka trajneri i Manchesterit

E ardhmja e Cristiano Ronaldos vazhdon të jetë e paqartë, me portugezin që ende nuk është bashkuar me Manchester Unitedin në fazën përgatitore.

Ditë më parë trajneri Erik Ten Hag zbuloi se Ronaldo nuk do të jetë në fazën përgatitore shkaku i arsyeve personale.

Megjithatë mediat e ndryshme botërore vazhdojnë të shkruajnë se portugezi do të largohet nga Djajtë e Kuq këtë verë.

Por ndryshe mendon trajneri Ten Hag, që e ka përsëritur faktin se Ronaldo do të qëndrojë në Old Traford sezonin e ri.

Erik ten Hag: “Cristiano Ronaldo is not for sale. I planned with him, and I’m looking forward to working with him. The situation is still the same. I am well informed – he also has an option for a further season” 🚨🔴 #MUFC

“Ronaldo could stay beyond this season? Yes”, he added. pic.twitter.com/ZhUHARoQrf

— Fabrizio Romano (@FabrizioRomano) July 18, 2022

“Me Ronaldon nuk kam folur ende, pra është e njëjta situatë ashtu si para një jave në Bangkok. Ai vazhdon stërvitet dhe mendoj se do të jetë në formën e duhur fizike. Të them të drejtën, forma e tij është shqetësimi i fundit për mua pasi e njohim sa profesionist është”, u shpreh Ten Hag.

Tutje trajneri holandez u pyet edhe për mesfushorin Frenkie de Jong, duke thënë se janë duke kërkuar një futbollist për në mesfushë.

“Jemi duke kërkuar një futbollist të aftë që luan në mesfushë, por ai duhet të jetë i duhuri”.

“Nuk ka shumë në atë pozicion të kalibrit që ne po kërkojmë”, tha trajneri holandez.