Tejkaloi kolonën, policia i shqipton gjobë dhe ia ndalon vozitjen shoferit në Viti

Policia e Kosovës, përmes një komunikate për media, ka njoftuar se zyrtarët policor në Viti, gjatë kontrollit në trafik, kanë hasur në një kundërvajtës i cili gjatë ngasjes, ka bërë tejkalim të kolonës, duke rrezikuar pjesëmarrësit tjerë në trafik.

Policia ka njoftuar se të njëjtit i është shqiptuar gjoba në vlerë prej 150 eurosh, dy pikë negative, dhe i është ndaluar vozitja për tre muaj.

Drejtoria Rajonale e Policisë në Gjilan, ka apeluar vozitësit që të respektojnë normat dhe ligjet e trafikut rrugor, si dhe ka ftuar mediat dhe qytetarët që të raportojnë të gjitha kundërvajtjet që mund të shkaktohen në komunikacion.