Tatlises shkoi me autoambulancë në një restorant për të kënduar, pak orë pas aksidentit

Ikona e muzikës turke, Ibrahim Tatlises, ka kënduar para fansave të tij, i ulur në një karrocë me këmbët e mbështjella me fasha.

70-vjeçari u përfshi në një aksident komunikacioni në qytetin e Bodrumit, mirëpo përkundër frakturave në shputa, u largua nga spitali ku po trajtohej për ta mbajtur koncertin e paralajmëruar.

Këngëtari legjendar u nis me autoambulancë për të shkuar në restorantin ku duhej të performonte siç ishte planifikuar – njofton Cumhuryet.

“Ne patëm një aksident sot, Zoti i Plotfuqishëm dërgoi engjëjt e tij, vetura jonë po rrotullohej në përrua. I premtova publikut tim këtë mbrëmje, thashë se do të dal në skenë, faleminderit fëmijëve të mi dhe familjes sime, dua të falënderoj gjithashtu policinë, xhandarmërinë dhe spitalin tonë, ata u kujdesën shumë për ne”, është shprehur Tatlises në skenë para se të niste interpretimin.

Këngëtari pësoi fraktura në eshtrat metatarsalë të shputave pas përplasjes së automjetit që e bartte me një kamion, ndërsa ai kishte mbetur i bllokuar derisa u nxor nga ekipet e shpëtimit.

İbrahim Tatlıses, iki ayağı alçılı halde sahneye çıktı: “Allah bitti demeden bitmiyor.” pic.twitter.com/1wn3jyOWRy

— ÇapaMag Magazine (@CapaMagMagazine) August 25, 2022