Tahiri: Të angazhohemi për një qeverisje që mbron vlerat e demokracisë, e që do të udhëhiqet nga Bedri Hamza

Deputeti nga rradhët e Partisë Demokratike të Kosovës, Abelard Tahiri ka publikuar një shkrim në Facebook për nder të Ditës së Demokracisë, shkruan GazetaDemos.

Tahiri shkruan se në më pak se pesë muaj do të zgjidhet Qeveria e katër viteve në vazhdim, duke bërë thirrje që të votohet qeverisja e cila do të udhëhiqet nga Bedri Hamza.

Ai tutje thotë se në qeverisjen e Hamzës, nuk do të përsëritet cenimi i vlerave demokratike të mishëruara në sistemin tonë kushtetues.

Postimi i plotë:

Sot bota demokratike shënon Ditën e Demokracisë. Në një vend demokratik rol thelbësor ka e drejta e qytetarëve për të zgjedhur dhe për t’u zgjedhur. Në vendin tonë, tashmë kanë mbetur më pak se pesë muaj kur do të zgjedhim qeverisjen për katër vitet e ardhshme. Le të angazhohemi të gjthë, gra e burra, të rinjë e të reja që përmes këtyre zgjedhjeve vendit ti mundësojmë një qeverisje që do të mbrojë e promovojë vlerat e demokracisë dhe e cila do të udhëhiqet nga Bedri Hamza. Cenimi i vlerave demokratike të mishëruara në sistemin tonë kushtetues, nuk do të përseritet në qeverisjen e kryeministrit në ardhje Bedri Hamza.