Tahiri merr përkrahjen e doktorëve e veteranëve: Sakrifica e tyre është inspirim për të vazhduar punën me nderë

Kandidati i LDK-së për kryetar të komunës së Vushtrrisë, Xhafer Tahiri, në mëngjesin e sotëm është shoqëruar me Dr. Pajazit Pllana, Veli Karaqa dhe mësuesin Beqir Asllani, i cili njëherit është edhe veteran i UÇK-së.

Tahiri thotë se biseda me ta ishte inspiruese teksa vlerësoi sakrificën e tyre, për të cilën thotë se sot është udhërrëfyesi ynë në të mirën e vendit.

“Kafja e mëngjesit, biseda e inspirim!

Mbështetja nga veprimtarët e ditëve të para – Dr. Pajazit Pllana, Veli Karaqa dhe mësuesi Beqir Asllani veteran i UÇK-së– është motiv dhe inspirim i madh për mua dhe për gjithë ne që e duam këtë vend.

Rruga që ata nisën me sakrificë e përkushtim është udhërrëfyesi ynë për ta vazhduar punën me nder e përgjegjësi për të ardhmen e Vushtrrisë dhe Kosovës sonë”, ka shkruar ai.