Tahir Batatina: Do të mbledhemi mbi 20 mijë njerëz të sportit para Qeverisë dhe Parlamentit, por atëherë do të jetë vonë!

Për raportimet e mos licencimit të Federatës së Futbollit të Kosovës, ka reaguar edhe trajneri i Llapit, Tahir Batatina.

Batatina tha për ‘GazetaBlic Sport’ se është gati që të organizojë mbi 20 mijë njerëz të sportit e të dalin para Qeverisë dhe Parlamentit, por atëherë do të jetë vonë për ministrin Çeku dhe shtetin e Kosovës.

“Nëse MKRS do që të luftoj me sportin dhe konkretisht me futbollin, do t’ju them se kam kapacitet që të bashkohem me 10 klube të Superligës dhe të gjithë Ligën e Parë, ku do të mblidhemi 20 mijë njerëz të sportit para qeverisë dhe paralamentit, me të gjitha tifo-grupet e qyteteve dhe pastaj do të jetë vonë për ministrin Çeku dhe shtetin e Kosovës”, tha Batatina.

Gjatë ditës së sotme është raportuar se Ministria e Rinisë, Kulturës dhe Sporti i ka dërguar shkresën Federatës së Futbollit të Kosovës, me ç’rast e ka njoftuar atë se nuk është licencuar.

Hapi i parë sipas raportimeve të disa mediave që ka bërë MKRS në këtë drejtim është ndalimi i ligjit për sponsorizimit të klubeve futbollistike duke iu lëshuar atyre këtë vendim.

Megjithatë, ky lajm u demantua nga FFK, ku me anë të një komunikate u tha se një vendim i tillë nuk ka ardhur nga MKRS.