Në shoqërinë moderne, kërkohen gjithmonë mënyra për të optimizuar shëndetin dhe mirëqënien. Një mënyrë që ka fituar popullaritet të madh është përdorimi i suplementeve për palester. Suplementet, janë produkte të dizajnuara për të përkrahur dhe përmirësuar dietën dhe rutinën e ushtrimeve të një individi. Këto shtesa ushqimore vijnë në forma të ndryshme, si pilula dhe pluhur, dhe përmbajnë një kombinim të vitaminave, mineraleve, aminoacideve, bimëve mjekësore dhe substancave të tjera.
GazetaDemos ka kontaktuar nutricionistët e Partners in Diet, të cilët konkluduan se suplementet më efektive për ngritje të performancës në palestër janë:
Proteina Whey – është suplement i cili lejon anabolizmin dhe kursyerjen e glikogjenit. Ajo ngrit sintezën e proteinës dhe rekomandohet të merren rreth 20 – 40g proteinë për vakt. Është mënyrë e lehtë dhe e thjeshtë për të përmbushur nevojat tona ditore me proteinë.
Kreatina – Forma më e absorbueshme është monohydrate. Është substanca më efektive ergogjenike dhe ndihmon në zhvillimin e masës muskulare, funksionin e trurit, përmirësimin e performancës, ndihmon në rikuperimin e muskujve dhe ngrit kapacitetin për të ushtruar. Doza e rekomanduar është 5g çdo ditë dhe koha kur merret nuk është me rëndësi.
Kafeina – Suplement i cili ngrit performancën atletike dhe rezistencën ndaj lodhjes. Kafeina duhet të merret 200 – 350mg, 30 minuta para stërvitjes.
Gjumi konsiderohet aspekti më i rëndësishëm i rikuperimit prej aktivitetit fizik.
Melatonina është suplement i cili përmirëson kohëzgjatjen dhe kualitetin e gjumit, gjithashtu redukton apetitin ditën e nesërme. Doza e rekomanduar është 1 – 10mg, 45 minuta para gjumit.
Hekuri – Mineral i cili ndihmon në transportin e oksigjenit, element i cili mundëson që muskujt tanë të kryejnë punën e tyre. Kur trupi ka mjaftueshëm hekur sigurohet se merr oksigjen mjaftueshëm kur i nevojitet. Femrat janë më të rrezikuara ndaj defiçiencës së hekurit dhe probabiliteti që të jenë anemike është më i lartë. Kur jeni anemik lodhja shafqet më shpejtë sesa kur keni nivele adekuate të hekurit. Suplementimi bëhet në bazë të nivelit të defiçiencës.
Beta-alanina – Gjatë ushtrimeve trupi juaj prodhon jone hidrogjeni te cilat bëjnë uljen e nivelit të pH në muskuj. Muskujt punojnë në një pH specifike, dhe kur kjo pH bie nën këtë nivel performanca e muskujve fillon të bie. Agjenti alkalizues Beta – alanina ndihmon në stabilizimin e pH rrjedhimisht shtyen lodhjen e muskujve dhe ngrit kapacitetin për të ushtruar. Doza efektive është 2.4 deri në 6 gram.
L – arginina – është prekursor i oksidit nitrik ku kjo e fundit ndihmonë në zgjerimin e enëve të gjakut dhe si rrjedhojë pompohet më shumë në gjak në muskujt aktiv. Kjo ndihmonë që muskujt të duken më të mbushur. Doza efektive është 1.5 deri në 3 gram.
Asnjë sasi e suplementeve nuk konpenson një plan ushqimorë jo të balancuar.