Superliga në vend të Champions-it, merret vendimi ndaj UEFA-s dhe FIFA-s

Vendim i bujshëm nga gjykata provinciale e Madridit në favor të Superligës Evropiane, duke pranuar ankesën ndaj Gjykatës Tregtare numër 17 dhe rrëzuar kundërshtimin e UEFA-s.

Ne lexojmë, siç raporton AS, se “FIFA dhe UEFA nuk mund të justifikojnë sjelljen e tyre anti-konkurruese sikur të ishin ruajtësit e vetëm të disa vlerave evropiane, veçanërisht nëse kjo shërben si justifikim për të mbështetur një monopol nga i cili mund të përjashtohen apo pengohen në iniciativë ata që aspirojnë të jenë konkurrentë të saj, Superligës.

Ajo që ne perceptojmë është një veprim që ka të gjitha karakteristikat e një abuzimi të pajustifikueshëm nga ata që mbajnë pozicion dominues. Për më tepër, në këtë procedurë paraprake nuk mund të supozojmë se fiton mekanizmi i shpërndarjes, i përdorur nga FIFA dhe UEFA, i cili nuk është i markuar apo i kontrolluar nga një rregullator publik i pavarur, çka përbën domosdoshmërisht më të mirën e mundshme për interesat e përgjithshme të sportit”.

Pika e bujshme e kthesës ka të bëjë me marrëdhëniet me klubet e përfshira në Superligën Evropiane, si Real Madridi, Barcelona dhe Juventusi. Në të vërtetë, vendimi ndalon FIFA-n dhe UEFA-n gjatë procesit kryesor gjyqësor, drejtpërdrejt ose tërthorazi (nëpërmjet anëtarëve të tyre të lidhur, konfederatave, klubeve të licencuara ose ligave kombëtare) të shpallin ose kërcënojnë me ndonjë masë disiplinore/sanksionuese kundër klubeve, drejtorëve, personave të klubeve dhe/ose lojtarëve që marrin pjesë në përgatitjen e Superligës.

FIFA dhe UEFA duhet të përmbahen nga përjashtimi i klubeve dhe/ose i lojtarëve që marrin pjesë në përgatitjen e Superligës. Në rast se përpara shqyrtimit të kësaj kërkese për masa paraprake, disa nga sjelljet e përshkruara në seksionet e mëparshme janë vënë në zbatim, ndërmerrni veprimet e nevojshme për t’i hequr ato dhe për t’i bërë menjëherë joefektive”.