Sulmet Indi-Pakistan, Erdogani del me qëndrim

Presidenti turk Recep Tayip Erdogan, ka zhvilluar një bisedë telefonike me kryeministrin pakistanez Sharif, pas sulmeve nga India.

Sipa Anadolu Agency, gjatë kësaj bisede është diskutuar për tensionin midis Indisë dhe Pakistanit, ku presidenti turk ka shprehur mbështetjen e tij për popullin pakistanëz.

Duke deklaruar se Turqia mbështet politikën e qetë dhe të moderuar të Pakistanit në këtë process, Erdogan ka thënë se Turqia është e gatshme të bëjë çmos për të parandaluar përshkallëzimin e tensioneve dhe se do të vazhdojë kontaktet diplomatike për këtë çështje.

Nga ana tjetër, bëhet e ditur se kryeministri pakistanez e ka falenderuar presidentin turk për mbështetjen, duke iu referuar ngrohtësisht Erdoganit si “vëlla i dashur”.

Pakistani dhe Turqia janë partnerë të ngushtë, ndërsa të mërkurën edhe  ministria e Jashtme Turke paralajmëroi se sulmet me raketa të Indisë mbi Pakistanin dhe Kashmirin e administruar nga Pakistani “rrisin rrezikun e një lufte të përgjithshme”.

Rikujtojmë se Forcat e Armatosura të Indisë ndërmorën një seri të sulemeve ajrore ndaj nëntë lokacioneve të territorim e Pakistani duke shkaktuar viktima e duke ngritur tensionet në rajon. Këto sulme vijnë pasi muajin e kaluar në rajonin e Kashmirit, Indi u vranë 36 persona, vrasje për të cilat India ka fajësuar Pakistanin.

Megjithatë, sipas ministrit të Jashtëm të Indisë, Vikram Misri, sulmet kishin për qëllim çaktivizimin e infrastrukturës së grupeve terroriste në territorin pakistanez.

Historik i konfliktit Indi-Pakistan

India dhe Pakistani, të dyja vende që posedojnë armë bërthamore kanë një histori të gjatë konflikti, veçanërisht për rajonin e kontestuar të Kashmirit. Dijmë se që nga pavarësia e tyre në vitin 1947 të dy palët kanë zhvilluar disa luftëra dhe më pas kanë krijuar një marrëdhënie të brishtë armëpushimi.

Incidenti i fundit ka ngritur shqetësime gjithandej globit, për mundësinë e përshkallëzimit të mëtejshëm ushtarak.