Stoltenberg mirëpret ratifikimin për anëtarësimin e Finlandës në NATO

Sekretari i Përgjithshëm i NATO-s, Jens Stoltenberg, ka mirëpritur ratifikimin në parlamentin turk të aplikimit të Finlandës për anëtarësim në NATO.

Stoltenberg vlerëson se Finlanda dhe Suedia do ta bëjnë NATO-n më të fortë.

“Unë mirëpres vendimin e Turqisë për të ecur përpara me ratifikimin e anëtarësimit të Finlandës në NATO. Finlanda dhe Suedia do ta bëjnë NATO-n më të fortë. Të gjithë aleatët pajtohen që të dy duhet të bëhen anëtarë të plotë sa më shpejt të jetë e mundur”, ka shkruar Stoltenberg në Twitter.