Specialja publikon emrat e viktimave që pretendohet se janë vrarë e zhdukur në rastin e Thaçit dhe të tjerëve

Prokuroria e Specializuar e Gjykatës Speciale ka publikuar emrat e disa prej viktimave të dyshuara në rastin e Hashim Thaçit dhe të tjerëve, që gjerësisht njihet si rasti kundër ish-krerëve të UÇK-së.

Në mesin e tyre janë edhe 5 viktima në komunën e Ferizajit.

Në dokumentin e publikuar nga Prokuroria e Specializuar, shihet se në mesin e viktimave ka edhe shqiptarë dhe serbë. Në fakt, është 1 serb dhe 4 shqiptarë.

Dimko Parliq dyshohet të jetë viktimë, i cili është vrarë rreth ose pas datës 18 qershor 1999 në Nerodime të Ulët.

Ndërsa, aty listohen edhe katër viktima të dyshuara të kombësisë shqiptare.

“1 Rrahim ELEZI

4.2 Riza KIKI

4.3 Faik RECI

4.4 Nezir TOPOJANI” – janë emrat e listuar të Prokurorisë së Specializuar, e që dyshohen të jenë vrarë më 12 mars, 1999 në Varosh.